Hvernig er löggjöfin?

Íslensk lög tryggja gjafa réttinn til að hafa gjöfina rekjanlega eða órekjanlega. Með rekjanlegri gjöf er barni sem getið er fyrir tilstilli gjafaeggs eða gjafasæðis gefið færi á, þegar það verður 18 ára og lögráða, að fá upplýsingar um erfðafræðilegan uppruna sinn. Þess vegna verða persónuupplýsingar um gjafa vistaðar hjá Egg- og sæðisbanka Livio. Í þeim tilvikum þegar barn kýs að leita upplýsinga um erfðafræðilegan uppruna mun Egg- og sæðisbanki Livio ævinlega hafa samband við þig og gefa þér færi á að undirbúa þig. Ef kosið er að gefa órekjanlega þá eru upplýsingar um gjafann lokaðar fyrir barnið og barnið getur ekki fengið upplýsingar um erfðafræðilegan uppruna.

Samkvæmt íslenskum lögum má sæðisgjafi að hámarki gefa sæði til tveggja fjölskyldna á Íslandi, en einnig er heimilt að gefa sæði til para eða kvenna erlendis sem þurfa sæðisgjöf.