Að gerast eggjagjafi

Flestar konur gera það vegna þess að þær vilja hjálpa pörum og einhleypum konum að eignast barn. Þú þekkir kannski sjálf einhvern sem hefur átt erfitt með að eignast barn. Kannski langar þig til að aðstoða aðra við að öðlast það sem þeir þrá heitast. Það er einstök gjöf að gefa öðrum möguleika til að eignast barn sem þeir gætu ekki án aðstoðar.

Gæði eggja

Egg sem geta orðið að þungun þurfa að vera í háum gæðaflokki. Margir þættir ákvarða gæði eggsins, en mikilvægasti þátturinn er aldur konunnar. Æskilegt er að gjafi sé á aldrinum 23 ára til 35 ára. Þú þarft að vera heilsuhraust, reyklaus, með BMI undir 32 og ekki nota lyf að staðaldri. Áður en þú ert samþykkt sem gjafi þurfum við að rannsaka þig vel, m.a. með blóðsýnatöku, til að meta ástand eggja þinna.

Ef þú hefur frekari spurningar er þér velkomið að hafa samband með því að senda tölvupóst með spurningu/spurningum til info@livioeggbank.is eða skilja eftir nafn og símanúmer í síma 855 7070, og þá verður haft samband við þig.