Starfsfólk


Fagstjórar lækninga, hjúkrunar og rannsóknarstofu leiða faglegt starf.

  • Fagstjóri lækninga: Snorri Einarsson
  • Fagstjóri hjúkrunar/móttöku: Birna Ólafsdóttir
  • Fagstjóri rannsóknarstofu: Steinunn Þorsteinsdóttir

 


Berglind Júlíusdóttir

Sérnámslæknir í fæðinga- og kvensjúkdómalækningum

Berglind er sérnámslæknir í fæðinga- og kvensjúkdómalækningum og hefur starfað hjá Livio síðan 2017.


Birna Ólafsdóttir

Deildarstjóri
Hjúkrunarfræðingur/Ljósmóðir

Birna er deildarstjóri móttökudeildar Livio og hóf störf 2018. Áður starfaði hún sem ljósmóðir á fæðingarvakt Landspítala Háskólasjúkrahús í 16 ár. Einnig hefur hún unnið á sængurlegudeild og mæðravernd. Af og til sinnir hún heimaþjónustu í sængurlegu. Birna hefur gaman af fjallgöngum í fallegri náttúru.


Guðbjörg Halla Eyþórsdóttir

Móttökuritari

Guðbjörg Halla er móttökuritari hjá Livio og hóf störf 2019. Guðbjörg Halla er lyfjatæknir og vann við það í nokkurn tíma. Tíminn með fjölskyldunni er í uppáhaldi og Guðbjörg brennur fyrir umhverfismál.


Hildur Árnadóttir

Móttökuritari

Hildur er móttökuritari hjá Livio og hóf störf 2020. Hildur vann í UT geiranum til margra ára sem ráðgjafi áður en hún flutti sig til okkar. Hún hefur gaman af alls kyns hreyfingu og unir sér best úti í guðs grænni náttúrunni.


Hildur Harðardóttir

Fæðinga- og kvensjúkdómalæknir

Hildur er sérfræðingur fæðinga- og kvensjúkdómalækningum og er með sérhæfingu í áhættumeðgöngum og fósturgreiningum. Hildur var áður yfirlæknir fæðingarþjónustu og fósturgreininga á Landspítala en kom til liðs við Livio 2019. Hún er einnig dósent við læknadeild Háskóla Íslands þar sem hún kennir læknanemum og er leiðbeinandi BS- og doktorosnema í lækna- og lyfjafræðideild HÍ.


Hilmar Björgvinsson

Klínískur fósturfræðingur

Hilmar útskrifaðist með BS gráðu 1991 frá Líffræðiskor HÍ og MS gráðu í lífeðlisfræði frá Læknadeild HÍ 1996. Hann hóf störf á Glasafjórgvunardeild Landspítala 1996 og hefur hlotið vottun frá ESHRE sem klínískur fósturfræðingur.


Jenný Vigdís Þorsteinsdóttir

Móttökuritari

Jenný vinnur í móttökudeild Livio og hóf störf 2020. Hún hefur áður unnið við móttöku ásamt því að hafa lært bókhald og unnið við það í nokkur ár. Jenný hefur gaman af samverustundum með fjölskyldu og vinum, og að fylgjast með hinum ýmsu íþróttum.


Kristbjörg Heiður Olsen

Fæðinga- og kvensjúkdómalæknir

Kristbjörg er sérfræðingur í fæðinga- og kvensjúkdómalækningum. Hún lauk sérfræðiprófi frá Háskólasjúkrahúsinu á Skáni í Svíþjóð og starfaði framan af á Kvennadeildinni í Lundi en síðar á ófrjósemisdeild sjúkrahússins í Malmö. Hún hóf störf hjá Livio árið 2020. Kristbjörg er mikill tónlistar- og náttúruunnandi, veit fátt betra en að dútla í garðinum sínum og vera á skíðum.


Kristín Guðmundsdóttir

Sjúkraliði

Kristín er sjúkraliði og vinnur í móttökudeild Livio. Hún hóf störf við opnun Livio 2016 en vann áður hjá Art Medica frá 2007. Þar áður hjá Hrafnistu Hafnarfirði. Kristín nýtur þess að hlaupa um allar koppa grundir og eiga góðar stundir með fjölskyldunni.


Ósk Halldórsdóttir

Fósturfræðingur

Ósk lærði líffræði við Háskólann í Árósum í Danmörku, þar sem hún lauk BS og MS gráðum og starfaði við rannsóknir í lífeðlisfræði. Hún hefur starfað sem fósturfræðingur hjá Livio síðan 2018 og sinnir auk þess gæðamálum og heimasíðunni. Ósk nýtur þess að ferðast, snjallvæða heimilið og að eiga gæðastundir með fjölskyldunni.


Salma Kaddouri

Fósturfræðingur

Salma er frá Spáni og bættist í Livio hópinn 2021. Hún er með BS í Líffræði frá Háskólanum í Murcia og MS í Human Reproduction frá Kanarí eyjum. Salma flutti til Íslands 2019 og starfar einnig á meinafræðideild Landspítalans. Salma elskar útivist og klifur, ferðalög, jóga, matseld ásamt gæðastundum með fjölskyldu og vinum.


Signý Hersisdóttir

Klínískur fósturfræðingur
Umsjónarmaður eggja- og sæðisbanka Livio

Signý útskrifaðist með Bs. gráðu í lífeindafræði frá Háskóla Íslands. Að auki er hún með Gr.Diplóma gráðu í Reproductive Science og Ms gráðu í Clinical Embryology frá Monash Universisty í Ástralíu. Hún vann sem fósturfræðingur hjá Livio í Stokkhólmi í 3 ár áður en hún fluttist aftur heim og hóf störf hjá okkur árið 2018. Signý sér um samfélagsmiðla Livio og er mikil áhugamanneskja um bakstur og kökuskreytingar.


Sigurveig Magnúsdóttir

Hjúkrunarfræðingur

Sigurveig útskrifaðist sem hjúkrunarfræðingur frá Háskóla Íslands árið 2006 og er einnig með framhaldsdiplóma úr hjúkrun aðgerðasjúklinga. Hún hóf störf hjá Livio 2020 en vann áður á barnadeild, heilsugæslu, blóðlækningadeild Landspítalans og Vöknun í Fossvogi. Sigurveig nýtur samverustunda með fjölskyldunni en hún á þrjú börn með manni sínum, hefur gaman af fjallgöngum og útiveru og æfir einnig ketilbjöllur af kappi.


Snorri Einarsson

Yfirlæknir
Fæðinga- og kvensjúkdómalæknir

Snorri er sérfræðingur í fæðinga- og kvensjúkdómalækningum og hefur starfað við ófrjósemislækningar frá 2006. Hann hlaut viðurkenningu sem sérfræðingur með ófrjósemislækningar sem undirsérgrein árið 2012 og er kennari við læknadeild Háskóla Íslands. Snorri er virkur í rannsóknum á sviði ófrjósemi og hefur birt niðurstöður rannsókna sinna í ritrýndum vísindatímaritum. Snorri er framkvæmdastjóri, yfirlæknir og einn af stofnendum Livio Reykjavík og hefur starfað þar frá því að deildin opnaði árið 2016. Í frítímanum er það fjölskyldan og börnin fjögur sem skipa stærstan sess og ekki er það verra ef öll fjölskyldan er saman á ferðalögum, í golfi eða á skíðum.


Steinunn Þorsteinsdóttir

Rannsóknarstofustjóri
Fósturfræðingur

Steinunn er deildarstjóri rannóknarstofu Livio og ein af stofnendum Livio Reykjavík. Hún er lífeindafræðingur og hefur unnið við glasafrjóvganir síðan 1998. Fyrst á Landspítalanum, síðar hjá Art Medica og nú Livio. Steinunn hefur áhuga á golfi, hlaupum, hjólreiðum og sundi og er járnkall.


Súsanna Jónsdóttir

Hjúkrunarfræðingur/Ljósmóðir

Súsanna útskrifaðist frá Háskóla Íslands 1986 úr hjúkrunarfræði og 1998 úr ljósmóðurfræði. Hún hefur unnið við glasafrjóvun í Art Medica frá 2007-2015 og hjá Livið frá 2016. Áður starfaði hún m.a. á vökudeild LSH.


Þorbjörn Have Jónsson

Fæðinga- og kvensjúkdómalæknir

Þorbjörn er sérfræðingur í fæðinga- og kvensjúkdómalækningum, en með meðferð og greiningu frjósemisvandamála sem aðalstarfssvið. Hann flutti til Íslands með fjölskyldu sinni 2019 og hefur verið í starfshópi Livio frá ársbyrjun 2020. Hann er ástríðukokkur utan vinnutíma og nýtur þess að kynnast íslenskri náttúru aftur.


Einnig njótum við liðsinnis eftirfarandi sérfræðinga:


Sigurlaug H. Traustadóttir

Félagsráðgjafi


Helga Sól Ólafsdóttir

Félagsráðgjafi