Að þiggja egg

Eggjagjöf hentar ákveðnum hópi para og einstaklinga sem eiga við ófrjósemi að stríða því hún gefur þeim möguleikan á að ganga með og eignast barn.

Þær konur sem þurfa eggjagjöf eru:

  • Konur sem misst hafa eggjastokka á yngri árum, t.d. vegna krabbameins eða skurðaðgerða.
  • Konur sem hafa farið á breytingaskeið fyrir 40 ára aldur, en það getur átt sér stað hjá um 1% kvenna.
  • Konur sem hafa alvarlega arfgenga sjúkdóma þar sem hætta er talin á að móðir beri sjúkdóm yfir í barn. 
  • Konur með eggjastokka sem svara ekki lyfjameðferð í glasafrjóvgun.
  • Konur sem hafa gengist undir margar árangurslausar glasafrjóvganir.
  • Konur sem eru orðnar eldri en 43 ára.

Eggjagjöf getur annað hvort verið nafnlaus eða undir nafni og ráða þá óskir bæði eggjagjafa og eggþega. 

Hver getur gefið egg ?

Kona sem gefur egg skal að jafnaði ekki vera eldri en 35 ára, ekki haldin neinum þekktum arfgengum sjúkdómum, kynsjúkdómum né öðrum sjúkdómum sem aukið gætu áhættu fyrir hana við eggjagjöf.  

Bæði eggþegi og eggjagjafi þurfa að fara í viðtal til félagsráðgjafa áður en meðferð hefst.